Свет міжканфесійны, свет міжнацыянальны
27.01.2022
Сёння, 27 студзеня, у нашай школе прайшоў чарговы інфармацыйна-адукацыйны праект "ШАГ" - "Школа Актыўнага Грамадзяніна".
Тэма «Гонар за Беларусь. Свет міжканфесійны, свет міжнацыянальны» (пра прыярытэты канфесійнай палітыкі Рэспублікі Беларусь).
Канфесійная палітыка Рэспублікі Беларусь накіравана на падтрыманне і ўмацаванне міжканфесіянальнага міру, згоды ў беларускім грамадстве, развіццё ўзаемадзеяння з гістарычна традыцыйнымі канфесіямі.
Для беларускага грамадства характэрна верацярпімасць і адсутнасць канфліктаў на рэлігійнай глебе. На падтрыманне мірнага суіснавання рэлігійных супольнасцяў накіраваны і палітыка дзяржавы, і дзейнасць саміх рэлігійных арганізацый.
Канстытуцыя краіны і Закон Рэспублікі Беларусь "Аб свабодзе сумлення і рэлігійных арганізацыях" усталёўваюць роўнасць усіх рэлігій і веравызнанняў перад законам.
У адным з блокаў сённяшняй сустрэчы гаворка ішла аб Храме-помніку ў гонар Усіх Святых і ў памяць аб ахвярах, за выратаванне Айчыны нашай паслужыўшых, які не толькі ўпрыгожвае сталіцу, але і заслужана карыстаецца важкім аўтарытэтам вядомага ў краіне і за яе межамі духоўнага і культурнага цэнтра.Настаяцель Усіхсвяцкага храма сталіцы протаіерэй Фёдар Поўны сказаў: «Выстаіць той народ, які шануе памяць сваіх герояў, памятае род свой і шануе Бога. Гэтая ключавая ідэя канцэпцыі храма-помніка, кансалідацыя намаганняў Беларускай праваслаўнай царквы і дзяржавы ў дасягненні міру ў краіне і адзінства грамадства.»
У апошнім блоку старшакласнікі абмяркоўвалі пытанні:
- Якія канфесіі ў Беларусі з'яўляюцца гістарычна традыцыйнымі? Якую ролю яны адыгралі ў гісторыі Беларусі? Як звязаны такія паняцці, як «талерантнасць» і «міжнацыянальныя адносіны»?
- Як вы лічыце, якія ўмовы, створаныя ў нашай краіне, садзейнічаюць захаванню згоды ў беларускім грамадстве?
comments powered by Свет міжканфесійны, свет міжнацыянальны