Школа актыўнага грамадзяніна

Сегодня 23 марта прошло заседание ШАГ на тему "Гордость за Беларусь. Комфорт и уют для каждого". На заседание был приглашен начальник участка "Будча" Ганцевичского РЖКХ Савеня В.А. , который сначала рассказал о принципе работы и нововведениях в области ЖКХ, а затем отвечал на вопросы старшеклассников по теме мероприятия.

У Дзень абаронцаў Айчыны 23 лютага 2023 года у рамках ШАГ прайшоў чарговы занятак на тэму “Гонар за Беларусь. Энергія для стварэння, энергія для будучыні” (забеспячэнне энергабяспекі краіны).

 У першым блоку “МЫ ДАВЕДАЕМСЯ” вучні пазнаёміліся з наступнай інфармацыяй: “Энэргетыка сучаснасці і будучыні”, “Энэргазберажэнне для ўсіх і для кожнага”.

 Сёння энергетычная сістэма Беларусі – стабільны тэхналагічны комплекс, які забяспечвае надзейнае і бесперабойнае забеспячэнне энергіяй. У Рэспубліцы Беларусь 100 працэнтаў насельніцтва мае доступ да электраэнергіі. З 2018 года энергасістэма Беларусі практычна поўнасцю адмовілася ад імпарту электраэнергіі, замяніўшы яе вытворчасцю на ўласных энергакрыніцах з меншымі затратамі. Сёння нашы гідраэлектрастанцыі выпрацоўваюць электраэнергіі ў 20 разоў больш, чым у 1995 годзе. Вучні даведаліся, што Лукомская ДРЭС – самая магутная ў Беларусі. Пазнавальным для рабят быў відэаролік аб прынцыпе працы ГЭС.            Сваё месца ў адным радзе з невычэрпнай энергіяй сонца, ветру і вады заняў мірны атам. У той час як іншыя дзяржавы толькі пачынаюць рэалізацыю нацыянальных ядзерных праграм, Беларусь ужо сфарміравала ўласную ядзерную інфраструктуру. БелАЭС працуе на эканоміку краіны і прыносіць адчувальны эфект. Атамная станцыя - гэта надзейная, эканамічная і экалагічная крыніца энергіі. Вельмі актуальным для вучняў аказалася пытанне падрыхтоўкі кадраў для гэтай галіны. 

 У другім блоку “МЫ РАЗВАЖАЕМ” старшакласнікі разам з Тамарай Генадзьеўнай, класным кіраўніком 11 класа, абмеркавалі пытанні энергазабеспячэння і энергарэсурсаў Рэспублікі Беларусь. Вучні разважалі аб тым, што ўвядзенне ў эксплуатацыю атамнай электрастанцыі – магутны імпульс для высокатэхналагічнага інавацыйнага развіцця эканомікі. Былі абмеркаваны пытанні дзяржаўнай энергазберагальнай палітыкі, энергаэфектыўнасці, энергазберажэння, беражлівасці, адказныя адносіны да выкарыстання рэсурсаў, культуры энерга- і рэсурсазберажэння ў паўсядзённым жыцці, удзел у энергазберажэнні. 

 У трэцім блоку “МЫ ДЗЕЙНІЧАЕМ” вучні разам з настаўнікам падвялі вынікі і адзначылі, наколькі актуальная была тэма сённяшняй размовы, таму што праблема разумнага выкарыстання энергіі з'яўляецца адной з найболей вострых праблем чалавецтва. 

Т.Г. Студзент, класны кіраўнік 11 класа

ДУА «Круговіцкай сярэдняя школа» Ганцавіцкага раёна

Адзіная інфармацыйная гадзіна ШАГ

Тэма: «Гонар за Беларусь. Навука і інавацыі - сучаснасць і будучыня нашай эканомікі» (дасягненні ў навукова-тэхнічнай дзейнасці, інавацыйным і тэхналагічным развіцці)

          Вучні 8-11 класаў прынялі ўдзел у мерапрыемстве ў рамках інфармацыйна-адукацыйнага праекта “Школа Актыўнага Грамадзяніна” па тэме “Гонар за Беларусь. Навука і інавацыі - сучаснасць і будучыня нашай эканомікі». Мерапрыемства праходзіла ў форме канферэнцыі.

          У першым блоку “МЫ ДАВЕДАЕМСЯ” вучніпазнаёміліся з наступнай інфармацыяй: “Дасягненні беларускіх вучоных – важны драйвер эканамічнага развіцця Рэспублікі Беларусь”, “Моладзь Беларусі – магчымасці для самарэалізацыі”, “Нацыянальны дзіцячы тэхнапарк – інвестыцыі ў будучыню”.

          Старшакласнікі разам з Зінаідай Мікалаеўнай класным кіраўніком 10 класа абмяркоўвалі з чаго пачынаецца любое адкрыццё і навука, чаму ў Рэспубліцы Беларусь было афіцыйна ўстаноўлена свята Дзень беларускай навукі, якое штогод адзначаецца ў апошнюю нядзелю студзеня.

          Навучэнцы паспрабавалі адказаць на галоўнае пытанне, што дазволіла нашай краіне дабіцца добрых вынікаў?

Зінаіда Мікалаеўна адзначыла, што наша краіна славіцца вучонымі, якія ўнеслі значны ўклад у сусветную навуку, адзначыўшы такія дасягненні вучоных, як распрацоўка вакцыны для медыцынскай прафілактыкі COVID-19, запуск 22 ліпеня 2012 года на арбіту спадарожніка дыстанцыйнага зандзіравання Зямлі. Навучэнцы разважалі над тым, для якіх мэт выкарыстоўваецца атрыманая касмічная інфармацыя са спадарожніка.

          Вядучыя Лісок Андрэй вучань 11 класа і Пісарык Сафія вучаніца 9 класа расказалі пра самыя яркія вынікі беларускіх вучоных у галіне цыфравізацыі, рабатызаваных тэхналогій, якія намаганні трэба рабіць для таго, каб дасягнуць пэўных вынікаў, якія ўмовы створаны ў Рэспубліцы Беларусь для падтрымкі таленавітай моладзі.

          У рамках інфармацыйнага блока "Нацыянальны дзіцячы тэхнапарк - інвестыцыі ў будучыню" навучэнцы даведаліся аб асноўных напрамках дзейнасці ўстановы, аб умовах залічэння ў Нацыянальны дзіцячы тэхнапарк.

          У блоку «МЫ ДЗЕЙНІЧАЕМ» вучні разважалі, якімі магчымасцямі, якія прадстаўляюцца дзяржавай, яны карыстаюцца падчас вучобы ў школе, дзяліліся сваім меркаваннем, як зрабіць навучанне ў школе па-сапраўднаму цікавым.

          Завяршылася мерапрыемства парадай, каб вучніпамяталі, што кожны з іх можа стаць і навукоўцам, і вынаходнікам і зрабіць неверагоднае для сваёй краіны.

22 снежня ў ДУА “Круговіцкая сярэдняя школа” ў рамках адзінага дня інфармавання адбылося пасяджэнне Школы Актыўнага Грамадзяніна на тэму “Гонар за Беларусь. Захоўваем мінулае, шануем сучаснае, будуем будучае”.

У рамках ШАГ 1 «МЫ ДАВЕДАЕМ» навучэнцы пазнаёміліся з двума інфармацыйнымі блокамі «Без тэрміна даўнасці (пошукавая і даследчая дзейнасць)» і «Нам ёсць чым ганарыцца, нам ёсць што захоўваць».Адным з напрамкаў ідэалагічнай работы з’яўляецца патрыятычнае выхаванне падрастаючага пакалення. З гэтай мэтай ва ўстановах адукацыі па ўсёй краіне ствараюцца гурткі турысцка-краязнаўчага і ваенна-патрыятычнага профілю, клубы, пошукавыя групы, створаныя пры музеях устаноў адукацыі. Вучні выказалі думку, што іх удзел у дадзеных аб’яднаннях развівае іх пачуццё любові да радзімы, а таксама садзейнічае даследчай дзейнасці па вывучэнні роднага краю.

За год вучні нашай школы наведалі некаторыя гістарычныя месцы, звязаных з Вялікай Айчыннай вайной. Старшакласнікі ўзгадалі, што многія экскурсійныя аб’екты абсталяваны спецыяльнымі qr-кодамі, каб даведацца дадатковую інфармацыю. Гэта стала магчыма дзякуючы міжнароднаму гістарычнаму праекту “Лічбавая зорка”, які накіраваны на фарміраванне духоўна-маральных, грамадзянскіх якасцяў асобы, на развіццё інтарэсу і павагі да помнікаў баявой славы, якія ўвекавечваюць трагічныя і гераічныя падзеі мінулага.

У рамках азнаямлення з інфармацыйным блокам "Нам ёсць чым ганарыцца, нам ёсць што захоўваць" у 2022 годзе навучэнцы ўспомнілі аб святочных мерапрыемствах з нагоды юбілеяў выдатных беларусаў (народных паэтаў Беларусі Якуба Коласа і Янкі Купалы, архітэктара Іосіфа Лангбарда, хору Рыгора Шырмы, народнага мастака Беларусі Міхаіла Савіцкага, народнага пісьменніка Беларусі Янкі Брыля, народнага паэта Беларусі Максіма Танка,а таксама беларускага пісьменніка і дзяржаўнага дзеяча Дзмітрыя Жылуновіча), аб мерапрыемствах па ўвекавечанні памяці Герояў Беларусі – маёра Андрэя Нічыпорчыка і лейтэнанта Мікіты Куканенкі, якія трагічна загінулі 19 мая 2021 г., першага Патрыяршага Экзарха ўсяе Беларусі Мітрапаліта Філарэта Івана Шамякіна.

Мноства мерапрыемстваў у Год гістарычнай памяці праведзена з удзелам дзяцей і моладзі на рэспубліканскім узроўні. Гэта беларуска-расійскі патрыятычны праект "Цягнік Памяці", ваенна-патрыятычная гульня "Арляня", свята "Маладзёжная сталіца Рэспублікі Беларусь - 2022", патрыятычная ўсебеларуская акцыя "Мы - грамадзяне Беларусі!", інфармацыйна-адукацыйны праект “Школа Актыўнага Грамадзяніна” і інш.

Некаторыя мерапрыемствы для дзяцей і моладзі, якія ўключаны ў план, маюць яскрава выражаны краязнаўчы характар, як усебеларуская маладзежнай экспедыцыя «Маршрутамі памяці. Маршрутамі адзінства» і акцыя «Пазнавальнымі сцежкамі нашай Радзімы». Вучні 9-11класаў нашай школы на чале з настаўнікам гісторыі Дунчык Таццянай Паўлаўнай таксама удзельнічалі ва ўсебеларускаймаладзежнай экспедыцыі «Маршрутамі памяці. Маршрутамі адзінства» і занялі 1 месцы ў раёне і на вобласці.

У чэрвені 2014 года падчас закладкі памятнай капсулы на месцы стварэння мемарыяльнага комплексу "Трасцянец", дзе перапляліся трагічныя лёсы розных народаў, Прэзідэнт Рэспублікі Беларусь А. Р. Лукашэнка сказаў: "Наш святы дэвіз - "Ніхто не забыты, нішто не забыта". І сапраўды, мы ніколі не забудем, які подзвіг здзейснілі нашы продкі, каб зараз у нас было мірнае неба над галавой.

Т.Р. Гайцюкевіч, кіраўнік ваенна-патрыятычнага выхавання

ДУА «Круговіцкая сярэдняя школа» Ганцавіцкага раёна

27 кастрычніка ў ДУА “Круговіцкая сярэдняя школа” ў рамках адзінага дня інфармавання адбылося пасяджэнне Школы Актыўнага Грамадзяніна на тэму “Гонар за Беларусь. Дзяржаўная сістэма прававой інфармацыі”. 

Канстытуцыяй Рэспублікі Беларусь (артыкул 34) грамадзянам гарантавана права на атрыманне, захоўванне і распаўсюджванне поўнай, дакладнай і своечасовай інфармацыі аб дзейнасці дзяржаўных органаў, аб палітычным, эканамічным, культурным і міжнародным жыцці, стане навакольнага асяроддзя. Дзяржаўныя органы, службовыя асобы абавязаны прадастаўляць грамадзяніну Рэспублікі Беларусь магчымасць азнаёміцца з матэрыяламі, якія закранаюць яго правы і законныя інтарэсы.

Права – неад’емная частка нашага жыцця. Амаль усё рэгулюецца з дапамогай прававых нормаў. Іх разуменне дапамагае ў паўсядзённых справах, нават у самых нязначных на першы погляд момантах. Менавіта з мэтай даведацца аб крыніцах і сродках здабычы інфармацыі дарослымі і дзецьмі вучні 8-11 класаў сабраліся разам.

На пасяджэнне Школы Актыўнага Грамадзяніна была запрошана старшыня Агарэвіцкага сельвыканкама Бобка Вольга Іосіфаўна, якая даступна, на простых прыкладах паказала удзельнікам, якое месца займае права ў жыцці кожнага чалавека, і наколькі важна валодаць актуальнай прававой інфармацыяй.

Усе законы ведаць немагчыма, але трэба умець арыентавацца ў крыніцах прававой інфармацыі, разумець, дзе яе знайсці, як ёй карыстацца. Данесці вучням асновы дзяржаўнай сістэмы прававой інфармацыі дапамагло відэа Нацыянальнага цэнтра прававой інфармацыі, які з’яўляецца каардынатарам функцыянавання і развіцця гэтай сістэмы. Першага кастрычніка Цэнтру споўнілася 25 гадоў. Старшакласнікі даведаліся аб асаблівасцях працы і задачах НЦПІ. Таксама вучні разгледзелі дзяржаўныя інфармацыйна-прававыя рэсурсы (АІС НРПА, “ЭТАЛОН”, Нацыянальны прававы Інтэрнэт-партал, публічныя цэнтры прававой інфармацыі) і абмеркавалі, наколькі даступная прававая інфармацыя для кожнага грамадзяніна Рэспублікі Беларусь. Цікавым для навучэнцаў выявілася тое, што любы жадаючы праз рэсурс “Прававы форум Беларусі” можа атрымаць прававую кансультацыю юрыстаў па розным галінам права. Яны выказалі думку, што дзяржаўная сістэма прававой інфармацыі з’яўляецца важным інструментам устойлівага развіцця краіны, так як яна упарадкоўвае нацыянальнае заканадаўства і дае доступ да яго для ўсіх грамадзян.

Адной з распрацовак НЦПІ з’яўляецца Дзіцячы прававы сайт, які вядзецца з 2008 года. Гэта унікальны спецыялізаваны інтэрнет-рэсурс па прававому выхаванню дзяцей і падлеткаў. Сайт распрацаваны па ініцыятыве Адміністрацыі Прэзідэнта Рэспублікі Беларусь для таго, каб дапамагці дзецям атрымаць юрыдычныя веды, адказаць на “дарослыя” пытанні, даць параду ў складаных сітуацыях. Старшакласнікі даведаліся, што ДПС прадстаўлены ў сацсетках (TikTok, Instagram), дзе можна знайсці актуальную інфармацыю.

Напрыканцы мерапрыемства вучні самі зрабілі вывады, што вельмі важна валодаць афіцыйнай і самай актуальнай інфармацыяй, бо гэта дазваляе ісці ў нагу з часам, а таксама не стаць ахвярай злачынцаў.