Спорт – візітная картка Беларусі
23.05.2019
23 мая ў школе прайшоў адзіны дзень інфармавання ШАГ.
Тэма “Спорт – візітная картка Беларусі”
Здароўе людзей, развіццё фізічнай культуры і спорту абвешчана ў Беларусі прыярытэтным напрамкам сацыяльнай палітыкі. Сучасная Беларусь займае дастойнае месца ў сусветнай спартыўнай супольнасці. Краіна ўваходзіць у дваццатку мацнейшых сярод больш як 200 спартыўных дзяржаў свету, якія прымаюць удзел у Алімпійскіх гульнях.
Пра тое, што спорт стаў візітнай карткай Беларусі, кажуць не толькі высокія дасягненні беларусаў на міжнародных спаборніцтвах, але і маштабныя спартыўныя мерапрыемствы, якія праводзяцца ў нашай краіне.
Дзень інфармавання прайшоў у форме ток-шоў “Адкрыты дыялог”.
Вучні падрыхтавалі паведамленне пра вядомых спартсменаў, успомнілі пра футбаліста-земляка, паўабаронцу клуба «Дняпро», Вадзіма Пабудзея. Брат Вадзіма - Антон, распавёў цікавыя факты біяграфіі свайго вядомага сваяка.
Марыя Новік ўдзельніца, прызёр рэспубліканскіх спаборніцтваў па біятлону «Снежны снайпер - 2019» паведаміла, дзе і як праходзілі спаборніцтвы, падзялілася ўражаннямі ад маштабнасці праводзіцца мерапрыемствы. Марыя заклікала ўсіх займацца спортам і перамагаць.
Не маглі не ўспомніць і школьную каманду па валейболе, якая таксама з'яўляецца гонарам школы. Вучні разглядалі фота пераможных гульняў і ўспаміналі пра гэтыя падзеі.
comments powered by Спорт – візітная картка Беларусі