100-годдзю ўтварэння ССРБ прысвячаецца

20 снежня ў школе сярод вучняў 8-11 класаў прайшоў адзіны дзень інфармавання «ШАГ» на тэму «100-годдзю ўтварэння ССРБ прысвячаецца…»

Мерапрыемства прайшло ў форме вуснага часопіса, які пачаўся відэаролікам з выступленнем Прэзідэнта Рэспублікі Беларусь аб значнасці дадзенай гістарычнай падзеі ў фарміраванні беларускай дзяржаўнасці.

Вядучы асвяціў гістарычныя падзеі, якія прывялі да стварэння дзяржаўнасці на беларускіх землях, удзельнікі мелі магчымасць ацаніць значэнне савецкага перыяду беларускай дзяржавы ў развіцці эканамічнага і культурнага патэнцыялу нашай краіны, Брэсцкай вобласці і Ганцаўшчыны. Мерапрыемства завяршылася віктарынай, дзе школьнікі паказалі свае веды па гісторыі беларускай дзяржаўнасці, праверылі свой інтэлектуальны запас па пытаннях развіцця Брэстчыны, Ганцавіцкага раёна, знакамітых земляках.