Адзіны дзень бацькоўскіх сходаў

 10 снежня ва ўстанове адукацыі прайшоў адзіны дзень бацькоўскіх сходаў. На сустрэчы педагогі і бацькі абмеркавалі актуальныя пытанні выхавання і навучання школьнікаў, асаблівасці арганізацыі навучальнага працэсу, а таксама ролю сям'і ў фарміраванні каштоўнасцяў і культуры паводзін дзяцей. Асаблівая ўвага была ўдзелена пытанням узаемадзеяння школы і сям'і, прафілактыцы правапарушэнняў сярод падлеткаў, фарміраванню здаровага ладу жыцця і бяспечных паводзін. Бацькі атрымалі рэкамендацыі спецыялістаў, змаглі задаць пытанні і падзяліцца сваім меркаваннем.

 Такія мерапрыемствы спрыяюць умацаванню партнёрскіх адносін паміж школай і бацькамі, ствараюць умовы для сумеснага вырашэння задач выхавання і навучання, а таксама дапамагаюць фарміраваць адзіную адукацыйную прастору.