Генацыд беларускага народа ў гады Вялікай Айчыннай вайны

 21 лістапада ў нашым 4 класе адбылася вельмі важная і патрэбная размова. Мы сабраліся разам, каб пагаварыць пра тое, што здарылася з нашым народам у гады Вялікай Айчыннай вайны. Тэма была нялёгкая, але вельмі важная: "Генацыд беларускага народа ў гады Вялікай Айчыннай вайны". Настаўніца расказала, што такое генацыд – гэта калі адны людзі хочуць знішчыць іншых людзей проста таму, што яны належаць да пэўнага народа. І, на жаль, падчас вайны такое страшнае адбывалася і з беларусамі. Вучні даведаліся, што фашысты, якія прыйшлі на нашу зямлю, не толькі ваявалі з салдатамі, але і жорстока здзекаваліся над мірнымі людзьмі: жанчынамі, дзецьмі, старымі. Яны спальвалі вёскі, забівалі людзей без прычыны, адпраўлялі іх у канцлагеры, дзе было вельмі цяжка і страшна.

 Былі паказаны некалькі фотаздымкаў, якія дапамаглі вучням лепш зразумець, наколькі жахлівымі былі тыя часы, бачылі спаленыя хаты, сумныя твары людзей, якія страцілі сваіх блізкіх. Гэта было вельмі кранальна і сумна.

 Гэтая інфармацыйная гадзіна дапамагла нам усвядоміць, наколькі важна памятаць пра тыя страшныя падзеі. Мы павінны ведаць пра гераізм нашых продкаў, якія змагаліся за свабоду, і пра тое, якую цану яны заплацілі.

 Вучні паабяцалі ніколі не забываць пра генацыд беларускага народа і заўсёды шанаваць мір, які мы маем сёння. Гэта наш абавязак перад тымі, хто загінуў, і перад будучымі пакаленнямі.