РАУС інфармуе

 У перыяд з 1 мая па 1 кастрычніка бягучага года на тэрыторыі Ганцавіцкага раёна праводзяцца мерапрыемствы, прадугледжаныя рэспубліканскай міжведамаснай праграмай «клопат». Асаблівая ўвага будзе нададзена забеспячэнню бяспекі і занятасці дзяцей у перыяд летніх канікул.

 Паважаныя бацькі! Вы першыя і самыя важныя педагогі свайго дзіцяці, якія вядуць яго па дарозе жыцця, яе лабірынтах, нібы гід, які здужаў ўжо гэты шлях. Памятаеце пра бяспеку вашых дзяцей падчас канікул: вырашыце праблему іх вольнага часу, нагадвайце дзецям аб простых і такіх неабходных правілах паводзін у побыце і на вуліцы, навучыце іх быць вельмі ўважлівымі на дарозе і ў грамадскім транспарце.
 Наперадзе яшчэ тры радасныя і, хацелася б спадзявацца, сонечныя месяцы адпачынку. Але разам з тым хочацца нагадаць аб захаванні асноўных правілаў паводзін у грамадскіх месцах і на вадзе.
 Няма нічога больш прыемнага, чым у гарачы дзень выкупацца ў рэчцы ці возеры. Але не заўсёды, на жаль, Адпачынак на вадзе сканчаецца добра. Трагічныя выпадкі часцяком адбываюцца ў неабсталяваных, не падрыхтаваных і забароненых для купання і адпачынку месцах, з'яўляюцца следствам бестурботнасці, парушэнні самых элементарных правілаў бяспекі. За купанне ў забароненых месцах рэк, азёр ці іншых вадаёмаў арт. 24.42 КаАП Рэспублікі Беларусь прадугледжана адміністрацыйная адказнасць.
 Бацькі, пастаянна будзьце ў курсе, дзе і з кім ваша дзіця. Невыкананне бацькамі або асобамі, якія іх замяняюць, абавязкаў па суправаджэнні непаўналетняга ва ўзросце да 16 гадоў або па забеспячэнні яго суправаджэння паўналетняй асобай у перыяд з 23.00 да 6.00 па-за жыллём згодна з ч.2 арт. 10.3 КаАП Рэспублікі Беларусь цягне накладанне штрафу ў памеры да 2 базавых велічынь.
 Вострай застаецца праблема п'янства. На жаль, нярэдка супрацоўнікі міліцыі затрымліваюць на вуліцах п'яных падлеткаў. У гэтым выпадку да адміністрацыйнай адказнасці прыцягваюцца альбо самі непаўналетнія, альбо іх бацькі або дарослыя, якія ўцягнулі падлетка ў антыграмадскія паводзіны.
 Асаблівай увагі заслугоўвае дарожная бяспека. Пераканаўча просім Вас выконваць правілы дарожнага руху і патрабаваць гэтага ад вашых дзяцей. Пераходзіце дарогу ў устаноўленых для гэтага месцах, а ў цёмны час сутак не забывайце аб святлоадбівальных элементах.
 Бацькі, памятаеце: любое здзейсненае вашым дзіцём правапарушэнне або злачынства цягне за сабой прадугледжаную законам адказнасць. Бяспека вашых дзяцей - у вашых руках!

Паводле інфармацыі Ганцавіцкага РАУС