Урачыстая лінейка да Дня Канстытуцыі Рэспублікі Беларусь

 Ва ўстанове адукацыі прайшла ўрачыстая лінейка да Дня Канстытуцыі Рэспублікі Беларусь. Мерапрыемства было прасякнута духам патрыятызму і павагі да галоўнага закона краіны. На лінейцы асаблівая ўвага была нададзена вучням, якія дасягнулі ўзросту, калі атрымліваюць пашпарт грамадзяніна Рэспублікі Беларусь.

 У гонар гэтай знамянальнай падзеі, кожнаму юнаму грамадзяніну былі ўручаны падарункавыя выданні "Я - грамадзянін Рэспублікі Беларусь". Гэтая кніга з'яўляецца важным інструментам у выхаванні пачуцця гонару за сваю краіну і разумення сваіх правоў і абавязкаў.

 Адміністрацыя школы выказала надзею, што новыя грамадзяне будуць актыўна ўдзельнічаць у жыцці краіны, паважаць закон і імкнуцца да новых ведаў і дасягненняў на карысць Беларусі. Таксама былі выказаны словы падзякі настаўнікам і бацькам за іх уклад у выхаванне падрастаючага пакалення.