Вучэбна-трэніровачныя зборы «Пераможца»

 З 16 снежня па 20 снежня пераможцы раённага этапу вучэбна-трэніровачных збораў «Пераможца» па ваенна-патрыятычнай падрыхтоўцы Сычэвіч Марыя (навучэнка ДУА «СШ №2» г.Ганцавічы) і Заяц Уладзіслаў (навучэнец ДУА «Круговіцкая СШ»), прынялі ўдзел у абласных зборах на базе філіяла УА «БДОЦМТ» «Маладзёжны патрыятычны цэнтр», які знаходзіцца на Кобрынскім умацаванні Брэсцкай крэпасці. Удзельнікі збораў пранікліся духам патрыятызму, пазнаёміліся з новымі сябрамі і годна здалі залікі па ўсіх дысцыплінах: разборка-зборка АК, тапаграфічны тэст, арыентаванне ў закрытым памяшканні, арыентаванне на тэрыторыі Кобрынскага ўмацавання Брэсцкай крэпасці, стральба з пнеўматычнай зброі, стральба з лазернага АК, Медыцынская падрыхтоўка, тэст па гісторыі абароны Брэсцкай крэпасці.