"Стартуюць усе!"- праграма, якая аб'ядноўвае!

 16 жніўня ў нашай навучальнай установе завяршылася гульнявая спартыўная праграма для дзяцей "Стартуюць усе!". Гэтая праграма была распрацавана з мэтай прапаганды здаровага ладу жыцця, развіцця фізічных здольнасцяў і ўмацавання каманднага духу сярод нашых вучняў.

  На працягу мерапрыемства нашы вучні прынялі ўдзел у розных спартыўных дысцыплінах, уключаючы бег, скачкі, кіданне і камандныя гульні. У рамках спартыўнага свята адбылася таксама футбольная сустрэча.

 Дзеці паказалі свае лепшыя якасці, такія як згуртаванасць, настойлівасць і спартыўнасць. Усе ўдзельнікі конкурсаў атрымалі падзяку за іх удзел і намаганні.