Дзень яднання народаў Беларусі і Расіі

Сёння наша краіна адзначае свята, прысвечанае стварэнню Саюзнай дзяржавы - Дзень яднання народаў Беларусі і Расіі. На ўрачыстай лінейцы, якая прайшла сёння ў школе гучалі словы пра братэрства і добрасуседства, якія існуюць паміж расіянамі і беларусамі, якія аднолькава беражліва ставяцца да гэтых шматвяковых традыцый, пранесеных праз гады і выпрабаванні, беражліва захоўваюць іх, перадаючы з пакалення ў пакаленне.

А затым на Адзіным уроку  "Дзень яднання народаў Беларусі і Расіі", які прайшоў  ва ўсіх класах школы, дзеці яшчэ раз успомнілі гісторыю стварэння Саюзнай дзяржавы, пагаварылі аб мінулым і сучаснасці, абмеркавалі, чаму важна не толькі захаваць гэты Саюз, але яшчэ і ўмацоўваць яго.