Масленіца

Масленіца - гэта  свята провадаў зімы і сустрэчы вясны, якое адзначаюць цэлы тыдзень. Масленіца супадае з праваслаўнай Сырнай сядміцай - апошняй падрыхтоўкай перад Вялікім Постам. Масленіца мае свае традыцыі і звычаі. На масленіцу выпякаюць  бліны і спальваюць пудзіла, праводзяць цікавыя рухомыя гульні і конкурсы.

Усё гэта можна было ўбачыць сёння на Масленіцы, якая ладзілася ў нашай школе для вучняў пачатковых класаў. Пасля цікавай і пазнавальнай гульнявой праграмы дзеці змаглі паласавацца смачнымі блінамі з медам ды з духмяным малінавым варэннем.