Фізічны кактэйль

У рамках Тыдня фізіка-матэматычных дысцыплін сёння ў школе прайшло чарговае мерапрыемства "Фізічны кактэйль". У кабінеце фізікі сабраліся ўсе вучні, якім цікава спасцігаць таямніцы прыроды, тлумачыць тыя з'явы, з якімі сустракаюцца кожны дзень. 

У час конкурснай праграмы вучні дэманстравалі свае веды і ўменні тлумачыць вынікі дэманстрацыйных доследаў, прынцыпы дзеяння фізічных прыбораў, ацэньваць "на вока" некаторыя фізічныя велічыні, знаходзіць памылкі ў матэматычных выразах і нават у некаторых вершах і прыказках.

У выніку мерапрыемства вучні не толькі паспрабавалі паспаборнічаць у ведах, у кемлівасці, але і зарабіць добрую адзнаку па фізіцы.