Урок міру

Штогод 21 верасня па ўсёй планеце адзначаецца Міжнародны дзень міру. Генеральная Асамблея ААН аб'явіла гэты дзень днём прысвечаным умацаванню ідэалаў міру шляхам захавання 24 гадзіны негвалту і спынення агню. Ніколі яшчэ наша планета так не мела патрэбу ў міры.

У нашай школе для вучняў 8-9 класаў сёння прайшоў Урок міру пад назвай "Сцяжынак многа ў жыцці", на якім вучні разважалі аб тым, якімі якасцямі павінны валодаць людзі, каб абраць у сваім жыцці сцяжынку міру і росквіту. Кожны грамадзянін нашай краіны марыць аб спакойнай будучыні для сябе і сваіх нашчадкаў, аб мірным небе над галавой. Такі вывыд зрабілі вучні ў ходзе праведзенага мерапрыемства.