14 кастрычніка - Дзень маці

14 кастрычніка - Беларусь адзначае Дзень маці, дата святкавання якога прымеркавана да вялікага восеньскага праваслаўнага свята - Пакровы.

Дзень маці - гэта адзін з самых любімых святаў, таму што ўсе мы з дзяцінства і да сваіх апошніх дзён нясём у сваёй душы адзіны і непаўторны вобраз - вобраз сваёй маці, якая ўсё зразумее, даруе, заўсёды пашкадуе і будзе любіць нягледзячы ні на што. З яевобразам узгадваюцца самыя цёплыя пачуцці, светлыя і незабыўныя ўспаміны, менавіта яна дае першыя ўрокі маральнасці, духоўнасці, дабрыні і цярпімасці.

З 11 па 16 кастрычніка ў нашай школе прайшоў Тыдзень  Маці, на працягу якога праводзіліся розныя мерапрыемствы, матулі прымалі віншаванні і паштоўкі ад сваіх дзяцей. Праведзеныя мерапрыемствы садзейнічалі умацаванню сямейных традыцый, падтрыманню гарманічных узаемаадносін сям'і, падрыхтоўцы маладых людзей да сямейнага жыцця.