Дзень абароны ад СНІД

Штогод 1 снежня адзначаецца Сусветны дзень барацьбы са СНІДам, які праводзіцца пад рознымі дэвізамі, што адлюстроўваюць існуючыя ў дадзены момант надзённыя праблемы. У 2018 годзе тэма Сусветнага дня барацьбы са СНІДам - «Ведай свой статус». Для зніжэння тэмпаў распаўсюджвання ВІЧ-інфекцыі арганізаваны шырокамаштабныя прафілактычныя мерапрыемствы, такія як класныя і інфармацыйныя гадзіны і іншыя.

У нашай школе прайшла прафілактычная акцыя, прымеркаваная да Сусветнага дня барацьбы са СНІДам, у якой прынялі ўдзел вучні 5-11 класаў. Акцыя яшчэ раз дазволіла звярнуць увагу на ўсю сур'ёзнасць дадзенай праблемы, дапамагла данесці інфармацыю па прафілактыцы ВІЧ-інфекцыі да вучняў і бацькоў, матываваць да бяспечных і адказных паводзін і захавання свайго здароўя.