Дзень добры, школа!

Як голас школы,
Звініць званок вясёлы.
Цвітуць усмешкі, кветкі -
Сустрэчы шчырай сведкі.
Святочны ўздым наўкола:
Дзень добры, школа!
Мікола Маляўка

1 верасня для трох першакласнікаў Круговіцкай сярэдняй школы прагучаў першы ў іх жыцці званок. На ўрачыстую лінейку прысвечаную пачатку новага навучальнага года іх прывяла першая настаўніца Новік Яніна Віктараўна. Першакласнікаў павіншавалі старэйшыя сябры - адзінаццацікласснікі і падарылі ім першы падручнік - буквар, а таксама падарунак Прэзідэнта –  ілюстраваную кнігу «Беларусь - наша Радзіма».

На лінейцы прысутнічаў спецыяльны госць - начальнік аддзела ЗАГС г. Ганцавічы Гардзей Наталля Іванаўна, наша былая выпускніца. Яна павіншавала дзяцей і настаўнікаў з пачаткам новага навучальнага года.