Каманда дзяўчат нашай школы па валейболе  атрымала перамогу ў стыкавых матчах і выйшла ў фінал спаборніцтваў. Дзяўчаты паказалі выдатную гульню і прадэманстравалі высокі ўзровень падрыхтоўкі.

 У першым матчы сапернікам нашай каманды была Хатыніцкая сярэдняя школа. Гэты матч быў напружаны ў другой партыі, але нашы дзяўчаты ўсё ж змаглі атрымаць перамогу з лікам 2:1.
У другім матчы каманда сустрэлася з саперніцамі з СШ №2. Нашы дзяўчаты адразу ж захапілі ініцыятыву і не пакінулі саперніцам ніводнага шанцу. Вынік матча - 2:0 на карысць нашай каманды.
Віншуем каманду дзяўчат па валейболе з выхадам у фінал спаборніцтваў і жадаем ім удачы ў вырашальным матчы!