Круглы стол “Прафесія - твой выбар”

Свет прафесій велізарны. У свеце налічваецца каля 50 тысяч розных прафесій. Пры выбары прафесіі трэба ўлічваць уласныя інтарэсы і здольнасці. Чалавек у сваім жыцці ўвесь час сутыкаецца з праблемай выбару. Выбар прафесіі - адно з найбольш сур'ёзных, самых важных жыццёвых рашэнняў. Зрабіўшы выбар, мы не толькі вызначаем асноўны занятак на ўсё жыццё, але і часта вызначаем гэтым сваё кола зносін, стыль жыцця, а часам і лёс. Людзі даўно шукаюць формулу шчасця. Адна з такіх формул гучыць так: шчаслівы той, хто раніцай з задавальненнем ідзе на працу, а ўвечар з радасцю вяртаецца дадому. Вось чаму так важна правільна выбраць сваю прафесію.

У рамках шостага школьнага дня прайшло мерапрыемства “Прафесія – твой выбар”. На мерапрыемстве выконваліся наступныя заданні: "Хто так кажа?", "Аднаві рыфму", "Скончы прыказку", гульня "Самая-самая", трэнінг "Рука лёсу" і іншыя.

Дзеці разам са Святланай Аляксандраўнай прыйшлі да высновы, што ў кожнага з нас свая дарога. У кожнага з нас сваё прызначэнне ў гэтым жыцці, а значыць, кожны павінен выбраць сваю прафесію.