Правілы паводзін пешаходаў на дарозе ў зімовы час
16.12.2021
Зімой дзень карацейшы, цямнее рана і вельмі хутка. Неабходна памятаць, што ў дзяцей яшчэ няма дастатковых навыкаў бяспечных паводзін на дарогах. Па прычыне невялікага росту яны могуць не
ўбачыць надыходзячай небяспекі з-за прыпаркаваных уздоўж дарогі аўтамабіляў. Таксама вельмі часта яны не могуць правільна ацаніць скорасць і дыстанцыю да транспартнага сродку, які рухаецца. Вельмі важна нагадваць дзецям, што яны намнога меншыя за машыны, з-за чаго яны не могуць поўнасцю бачыць дарогу, а вадзіцелі могуць не заўважыць іх саміх. У снегапады прыкметна пагаршаецца бачнасць, з'яўляюцца заносы, абмяжоўваецца і абцяжарваецца рух пешаходаў і транспарту. Снег заляпляе вочы пешаходам і замінае агляду дарогі.
Для гэтага яшчэ раз сёння дзеці паўтарылі галоўныя правілы паводзін на дарозе зімой!
«Бачнае» зімовае адзенне – адзін з самых простых спосабаў зрабіць так, каб вадзіцелі заўважылі вас у зімовы час.
Дзеці, будзьце ўважлівымі!
comments powered by Правілы паводзін пешаходаў на дарозе ў зімовы час