Адзіны дзень прафілактыкі дарожнага руху

У сувязі з пагаршэннем умоў надвор'я - дажджом і мокрым снегам - Дзяржаўтаінспекцыя рэкамендуе ўсім удзельнікам дарожнага руху праяўляць максімум асцярожнасці.

Дзяржаўтаінспектары рэкамендуюць вадзіцелям выконваць меры бяспекі, выбіраць бяспечную хуткасць, максімальна трымаць дыстанцыю да транспарту, які ідзе наперадзе, пазбягаць рэзкіх тармажэнняў і манеўраў за рулём, быць вельмі ўважлівымі пры праездзе пешаходных пераходаў, мастоў, на закругленнях дарог.

Пешаходам таксама варта паклапаціцца аб сваёй бяспецы. Перад тым як сысці з тратуара на пешаходны пераход, трэба ўпэўніцца, што ўсе аўтамабілі спыніліся. Пры скрыжаванні праезнай часткі не варта карыстацца мабільнымі тэлефонамі і іншымі гаджэтамі. У цёмны час сутак неабходна пазначыць сябе флікерамі.

У мэтах папярэджання ДТЗ з удзелам непаўналетніх удзельнікаў дарожнага руху на тэрыторыі Ганцавіцкага раёна сёння, 18 лістапада, праводзіцца Адзіны дзень ведаў Правілаў дарожнага руху пад дэвізам: "Час стаць прыкметным!". Таму ў нашай школе ва ўсіх класах былі арганізаваны заняткі па вывучэнні і паўтарэнні правіл дарожнага руху.

Сёння школу наведала старшы інспектар па адміністрацыйнай практыцы Кшывіцкая Е.А., якая выступіла перад вучнямі са змястоўнай гутаркай па прафілактыцы дарожнага траўматызму.