Вучымся берагчы электраэнергію

Сучаснае жыццё не магчыма без электрычнасці. Без святла чалавек не можа працаваць, вучыцца, адпачываць. Неразумнае выкарыстанне электрычнага святла можа прывесці да непапраўных наступстваў.

Сёння ў ДУА “Круговіцкі яслі-сад-сярэдняя школа” ў рамках Тыдня энергазберажэння прайшла цікавая і карысная  онлайн-сустрэча  з Іванам Рызеўскім, маладзёжным паслом, прысвечаная Міжнароднаму дню энергазберажэння. 

Выхаванне энергетычнай культуры, забеспячэнне інфармацыяй у галіне энергазберажэння адзін з важнейшых накірункаў дзейнасці нашай установы. Без трывалых рознабаковых ведаў па энергазберажэнні немагчыма вырашыць глабальныя праблемы дэфіцыту энергарэсурсаў і змяненне клімату. Эканоміць і берагчы вучацца ў нас усе: ад маленькіх выхаванцаў да выпускнікоў.

Формы выхаваўчых мерапрыемстваў разнастайныя: конкурсы, акцыі, турніры, круглыя сталы.

Асаблівая ўвага надаецца творчай дзейнасці: плакаты, малюнкі, крыжаванкі, загадкі, прыказкі; відэаролікі, вершы, апавяданні.