«Усё пачынаецца з кахання»

Сённяшняе мерапрыемства для вучняў 7-11 класаў было прысвечана самаму прыгожаму, што ў нас ёсць. Таму, што прымушае жыць, радавацца і здзяйсняць адважныя ўчынкі. Таму, пра што пісалі вялікія паэты і паэткі ва ўсе часы. Так, вы правільна падумалі, гэта каханне. І сёння, напярэдадні цудоўнага свята Дня Святога Валянціна, самы зручны момант для размоў пра каханне.

Сёння вучні-старшакласнікі ў рамантычнай абстаноўцы чыталі вершы і спявалі песні пра каханне, вучыліся, як можна расказаць пра свае пачуцці сябру або сяброўцы. У іх нядрэнна атрымалася размаўляць на мове Душы. Малайцы!