Правілы бяспечных паводзін вучняў у перыяд зімовых канікул
24.12.2019
Зімой дзяцей падпільноўвае павышаная небяспека на дарогах, каля вадаёмаў, на гульнявых пляцоўках. Гэтаму спрыяе надвор'е і цікаўнасць дзяцей, наяўнасць вольнага часу, а галоўнае - адсутнасць належнага кантролю з боку дарослых.
У сувязі з гэтым 24 снежня класнымі кіраўнікамі былі праведзены прафілактычныя гутаркі з дзецьмі 1-11 класаў на тэму: «Правілы бяспечных паводзін на зімовых канікулах».
Вучні ўзброіліся неабходнымі ведамі для таго, каб пазбегнуць непрыемных сітуацый, і калі нешта адбудзецца, будуць ведаць, як трэба сябе паводзіць. Успомнілі правілы бяспекі падчас навагодніх святаў і зімовых канікул; даведаліся як паводзіць сябе на вуліцы зімой; паўтарылі правілы бяспекі дарожнага руху ў зімовы час. Дзецям нагадалі пра тое, што дзейнічае «каменданцкая гадзіна» для падлеткаў з 22:00 да 06:00 раніцы.
У перыяд зімовых канікул вучні павінны памятаць пра сваю бяспеку і сваё здароўе.
comments powered by Правілы бяспечных паводзін вучняў у перыяд зімовых канікул