Дзень ведаў
02.09.2019
Хутка праляцела лета, скончыліся канікулы. І зноў — Дзень ведаў — самы ўрачысты і хвалюючы ў новым навучальным годзе. Ва ўсіх установах агульнай сярэдняй адукацыі прайшлі святочныя мерапрыемствы.
У нашай школе гэты дзень пачаўся з урачыстай лінейкі «Прывітанне, школа!» На лінейцы прысутнічала шмат гасцей: бацькі вучняў школы, прадстаўнікі арганізацый, раённага аддзела па адукацыі, жыхары вескі Вялікія Круговічы. У школьную сям’ю ўліўся толькі адзін першакласнік, але, тым не менш, усе было ўрачыста.Есць першы клас, а значыць школа будзе жыць, развівацца, пісаць сваю гісторыю. Дарэчы, селета нашай школе спаўняецца 150 гадоў. Прысутныя пажадалі першакласніку і ўсім вучням школы поспехаў у вывучэнні школьных дысцыплін, а настаўнікам пленнай творчай працы на «ніве» выхавання падрастаючага пакалення.
А потым — першы ўрок пад назвай «Занімай, Беларусь маладая мая, свой пачэсны пасад між народамі!» Для кожнай узроставай групы настаўнікі падрыхтавалі асобныя сцэнарыі мерапрыемства. У кожнага гэты ўрок выклікаў шчырыя пачуцці гонару за сваю Радзіму, за свой таленавіты, працавіты і дабрадушны народ, а таксама спадзяванні і надзеі на яшчэ лепшае светлае будучае.
Глядзець фотаздымкі (9)
comments powered by Дзень ведаў