Дзень сям'і

Паўнацэннае чалавечае шчасце можна адчуць толькі ў сям’і, дзе пануюць любоў, узаемаразуменне і клопат, дзе разумна спалучаюцца духоўнае багацце і матэрыяльны дабрабыт.
І, безумоўна, самы галоўны здабытак кожнай сям’і — гэта дзеці. Менавіта дзеці падрыхтавалі сваім бацькам і ўсім прысутным на Свяце сям'і цікавую канцэртную праграму. 

Дзеці спявалі, расказвалі вершы, танцавалі і паказвалі сцэнкі з жыцця сям'і. Як маленькія зорачкі яны мігацелі на школьнай сцэне і падымалі настрой сваім мамам, татам і бабулям.

Вялікі дзякуй ім за добры падарунак да свята.