Тыдзень бяспекі дарожнага руху

У ДУА «Круговіцкі яслі-сад-сярэдняя школа» з 3 па 8 верасня прайшлі мерапрыемствы, прысвечаныя тыдню бяспекі дарожнага руху. Класнымі кіраўнікамі была праведзена тлумачальная работа па вывучэнню вучнямі правілаў дарожнага руху, нагадалі схему бяспечнага маршруту ў школу.

Гэта асабліва важна ў пачатку навучальнага года, калі школьнікі яшчэ не адаптаваліся да новых умоў. Да таго ж, у перыяд міжсезоння рана цямнее і ўмовы надвор'я часта неспрыяльныя. Менавіта таму так важна растлумачыць дзецям, як трэба паводзіць сябе па дарозе ў школу і на зваротным шляху дадому.