Выпускны баль
13.06.2018
Выпускны баль прайшоў у нашай школе 9 чэрвеня 2018 года.
У зале сельскага дома культуры кожнага выпускніка з нецярпеннем чакалі настаўнікі, бацькі, аднавяскоўцы. У гэты дзень выпускнікі радаваліся заканчэнню школы і крыху сумавалі аб хуткім расставанні з настаўнікамі і аднакласнікамі. Старшакласніцы ў прыгожых сукенках, раптам сталі яшчэ прыгажэйшымі; рэзка пасталелі юнакі ў строгіх касцюмах.
І вось наступіў ўрачысты момант свята - ўручэнне атэстатаў выпускнікам 2018 года.
У гэтым годзе школа выпусціла 13 вучняў. Адзінаццаць гадоў яны ішлі да гэтага дня: цяпер у руках у кожнага з іх атэстат. Выпускнікі на парозе новай главы ў кнізе пад назвай «Жыццё». Наколькі яна будзе цікавая і глыбокая, залежыць ад іх саміх.
Выпускнікі на свяце дзякавалі настаўнікам, выхавацелям, бацькам. Прадставілі ўвазе прысутных відэа і прэзентацыю аб іх школьным жыцці. Спявалі, танцавалі. Запрасілі бацькоў на развітальны вальс.
Заканчэнне школы - гэта першы цяжкі этап у жыцці учарашніх школьнікаў, наперадзе ў іх паступленне ў ВНУ, ССНУ і мноства планаў, якія трэба рэалізаваць.
Глядзець фотаздымкі (13)
comments powered by Выпускны баль