Адзіны дзень прафілактыкі правапарушэнняў

Прафілактычная праца з навучэнцамі - працэс складаны, працяглы па часе. Задача педагогаў заключаецца ў правядзенні ранняй прафілактыкі, гэта значыць стварэнне ўмоў, якія забяспечваюць магчымасць нармальнага развіцця дзяцей: выяўленне навучэнцаў, схільных да парушэння маральна-прававых нормаў, вывучэнне педагогамі індывідуальных асаблівасцяў такіх школьнікаў і прычын маральнай дэфармацыі асобы.

Своечасова заўважаныя адхіленні ў паводзінах дзяцей і падлеткаў і правільна арганізаваная педагагічная дапамога могуць адыграць важную ролю ў прадухіленні сітуацый, якія могуць прывесці да правапарушэнняў і злачынстваў.