Дзень юнага героя-антыфашыста

Штогод, з 1964 года 8 лютага ўвесь свет адзначае Дзень юнага героя-антыфашыста як дзень памяці і салідарнасці з юнымі барацьбітамі супраць фашызму, за мір і свабоду, роўнасць і шчасце людзей. У піянерскай дружыне нашай школы ў гэты дзень прайшло мерапрыемства: «Дзяцінства, апаленае вайной».

Гэтае мерапрыемства накіравана на выхаванне пачуцця патрыятызму, грамадзянскасці, любові да Радзімы праз лёсы людзей, якія перажылі Вялікую Айчынную вайну ў дзіцячым узросце. Вечна будзе жыць у нашых сэрцах памяць аб юных героях, якія аддалі сваё жыццё за свабоду і шчасце людзей. Пра тых, хто ішоў плячом да пляча з бацькамі і братамі ў бой, пра тых, хто змагаўся з ворагам у суровыя гады Вялікай Айчыннай вайны.