Навагоднія святы
26.12.2017
Навагодняе свята было і застаецца самым галоўным для дзяцей. І самым любімым. У тым ліку і таму, што на гэтае свята прыпадаюць працяглыя канікулы. Але галоўнай прычынай з'яўляецца тое, што толькі на гэтае свята дзеці могуць акунуцца ў святочную атмасферу казачных прыгод, паўдзельнічаць у цікавых конкурсах, гульнях, якія звычайна ладзяцца на навагодніх прадстаўленнях.
У нашу школу казачныя героі наведаліся двойчы. Першы раз яны парадавалі дзяцей малодшых класаў 21 снежня, а другі раз завіталі на Навагодні Баль-маскарад для старшакласнікаў 23 снежня.
Малодшыя школьнікі змаглі не толькі паглядзець цікавы сюжэт навагодняй казкі, але і самі змаглі парадаваць казачных герояў сваімі выступленнямі, за якія Дзед Мароз частаваў салодкімі пачастункамі.
А старэйшыя вучні "выбіралі" Снягурачку для Дзеда Мароза і таксама змаглі паўдзельнічаць у розных цікавых конкурсах і розыгрышах.
Р. Ярашэвіч
comments powered by Навагоднія святы