Экскурсія ў Мінск
16.12.2017
На гэтым тыдні вучні нашай школы разам з настаўнікамі пабывалі на экскурсіі ў горадзе Мінску. Яны наведалі Беларускі Дзяржаўны музей гісторыі Вялікай Айчыннай вайны - найбуйнейшае ў Беларусі сховішча рэліквій Вялікай Айчыннай вайны. У музеі 10 экспазіцыйных залаў і зала Перамогі (размешчаная пад шкляным купалам). Канешне ўсе залы за адну экскурсію наведаць немагчыма, але экскурсавод старалася коратка і змястоўна расказваць каля кожнай экспазіцыі, якую ўдалося наведаць у час экскурсіі. Дзецям і дарослым вельмі спадабаўся расказ экскурсавода. Усе былі ўражаны пачутым і ўбачаным, хоць пра вайну чулі не ўпершыню.
Яшчэ ў гэты дзень наша група змагла наведаць Унітарнае прадпрыемства «Кока-Кола Беўрыджыз Беларусь», якое пачало сваю дзейнасць у Рэспубліцы Беларусь яшчэ ў студзені 1994 года. Для нас там таксама правялі цікавую экскурсію, пазнаёмілі з працэсам вытворчасці прадукцыі прадпрыемства і навать правялі дэгустацыю напояў Кока-Кола.
comments powered by Экскурсія ў Мінск