Развітанне з пачатковай школай

26.05 у нашай школе прайшло мерапрыемства для вучняў 4 класа – развітанне з пачатковай школай.

Як хутка ляціць час ... Здаецца, толькі ўчора ўваходзілі яны, маленькія, трохі спалоханыя, у дзверы школы, упершыню пераступаючы парог свайго класа. Ён стаў домам для іх на цэлых чатыры гады. Яны - гэта трохі шумныя, трохі задзірлівыя, цікаўныя вучні 4 класа.

З самай раніцы выпускнікі былі адметныя сярод іншых вучняў школы. Усе былі прыгожа апранутыя. Дзеці разам са сваімі настаўнікамі падрыхтавалі сапраўднае свята з песнямі, жартамі і змаглі падарыць усім цудоўны настрой. Гледзячы на іх, кожны падумаў: «Як многаму яны ўжо навучыліся!»